Ishq

Ishq mai kabhi naakaami nahi milti, darjaat buland hojatay hai

Parwanay ki tarha jal jana tou muhez junon e ishq ki ibtida hai

 

Ishq mai nadani, ranj o gham or asoodgi hi tou badnaam hai

Par jo sukoon e qalb ishq pohncha dein, wo hi awaleen quwat hai

 

Ishq tu khud hi hai, tu khud mai hi talaash kar

Rooh kaanp uthay, kuch is tarha apne mehboob ko yaad kar

 

Jab neeyat sachi ho tou kis baat ka khouf  hai tujhe

Yeh duniya tou faani hai phir kis baat ka guroor hai tujhe

 

Ashiq ki pehchan fanaa honay kay siwa or kuch bhi nahi hai

Jo khud ko pehchaan jaye wo hi ishq mai abaad hai

Moujiza e kainat

Kya bataun tujhe is kainaat kay moujizay, ragon mai khoon rava hai or apne hi khyalon ka ajab sa samaa hai

Agar daryaft karna chahta hai tou us suraj ki tapish ko mehsoos kar , Jo jalta tou khud hai magar saray jahan ko roshan kardeta hai

Tu khud se pooch vo tujh mai kya hai jo tujh ko sab se alag kardeta hai, or yeh dekh woh kya hai jo tujhe ye sochne par majboor  kardeta hai

Kis taraf bhaagna chahta hai or kya ban’na chahta hai,kuch aise hi nahi tu ashraf ul makhlooqat mai shumar hojata hai

Azaad hoja tu saari jumbisho se, khud ko khud hi mai kyu qaid kardeta hai,

Or jhuk jati hai peshaani jab kabhi sajde mai, tou tu akhir kyu ro deta hai

Sabar o ajazi, mayanarawi or khud aitmadi jab ajaye ikhlaq mai tou dekh, tu khud kya jadugar nai kehlata hai

Nazrein

Hum vo hain jo nazron mai basein rehtey hai, na nazar anay par bhi

Bas Inhi nazron ka hi tou kamal hai, jo kayi Dastan bayaan kardetin hai, izhar na kar paaney par bhi

                         

Ye dilkash hassi jo nazar ajati hai, tasweero mai kayi baar, yun hi guzartay huey

Is  hassi ki kahaani na pooch, ye vo kuch dekha deti hai, jis ki kabhi himmat na jutta pata hai admi, yun hi zindagi guzaartey huey

Kayi Kahaniyan or qisay shab o roz ban jatay hai, yun hi lamhat bitatey huey

In nazron ki haqeeqat jo bayan karsakey na koi, qehqo mai ura dete hai log, kayi baar, bhari mehfloon mai, yun hi waqt bitatey huey

Lapata honay ka ranj tha, tanhai ka khof tha, haar ka jashn mana rahey thay,Mout  ki umeed thi, ya be baak kuch paanay ki zid thi,

Khud mai khud hi ko dhoondhney niklay thay, khud se khud ki larai thi or aisey hi jungjun bane zindagi guzaar rahey thay

Gamzada

Aj bohot ghamzada hain, zaar o Qatar ashq baha rahe hai

Tanhayi na gawara bhi thi, magar haqeeqat is kay siwa or kuch na thi

Phir sawaal kiya, kay ye tanhaai ka akhir sabab kya hai

Kyon ye bojh si lagti hai, dukhi dil ki akhir haqeeqat kya hai

Magar socha, chalo is ka hal dhoondhtey hai,

Kab tak yun hi beyaar o madadgar bethey raheingey

Mosiqui kuch samjh anay lagi thi, par who tou hamesha hi sath rehti thi

Lekin hum ko or bhi bohot chahat thi, na janne kis haqeeqat ki talaash thi

Samjh tou anay laga tha kay who kay jis ki talaash thi, wo darasal khud hi ki hi

Magar khud ko kaise dhoondhtey, kyun kay har jaga tou sirf gehri sayahi waqai thi

Shor itna barpa tha,  kay har jagha khamoshi goonjh uthi thi, 

koi buland o bala abshaar ka shor, wahi hamay kahin paharo kay darmiyan pukar raha tha

Qurban kardiya tha khud ko qurbat kay khatir kayi baar lekin, 

khud kay wujood se ashnaasi jab hui,  tou unhi qurbani kay badolat sirf veraniyat hi payi

Is pechedgi se na dar, yeh  udaasi tou teri sab se azeez sathi hai kanwal

Yehi deewangi or yehi tanhayi teri parvaaz ka sabab banegi